Ekainaren 1etik 3ra Ficoba berriz ere berdez jantzi da Bioterra, produktu ekologikoen, bioeraikuntzaren, energia berriztagarrien eta kontsumo arduratsuaren Euskadiko Azokaren edizio berri bat hartzeko.
2018koa edizio berezia izango da Bioterrarentzat; izan ere, 15. edizioa duen Ficobako lehen azoka da. Lehenengo edizioa 2004an egin zen, eta 70 erakusketari eta 6.000 bisitari izan zituen. Gaur egun, Bioterrara joaten diren 170 erakusketari baino gehiagok Ficobako hiru pabiloiak eta kanpoko erakusketa-espazioaren zati handi bat betetzen dituzte, eta Bioterra erreferentziazko hitzordua da bere sektorean.
Nekazaritza ekologikoaren erakusketa-proposamena azokaren ezaugarrietako bat da. Ficobako 3. pabiloian bisitariek eskaintza zabalaz gozatuko dute, neurri handi batean Euskal Herriko eta Nafarroako ekoizle eta banatzaileen eskutik, horiei gainerako autonomia erkidegoetatik eta Iparraldetik etorritako ekoizleak gehituz.
